အစိုးရနည်းပညာကောလိပ်(တောင်ဒဂုံ) သို့ Earth Tamura Electronic (Myanmar)Co.Ltd မှ HR Manager နှင့်အဖွဲ့လာရောက်တွေ့ဆုံပြီး ကျောင်းပြီးသွားသူများ အလုပ်အကိုင်လိုအပ်ချက်ရှိပါသဖြင့် လာရောက်ဆက်သွယ်ခြင်းဖြစ်ကြောင်း နှင့် ၎င်းတို့၏ ကုမ္ပဏီသို့ ကျောင်းသားများလာရောက်လေ့လာနိုင်ရန် ဖိတ်ကြားပါကြောင်းပြောကြားခဲ့ပါသည်။ အစိုးရနည်းပညာကောလိပ်(တောင်ဒဂုံ)အနေဖြင့်လတ်တလောတွင် B.Tech Third Year ထိသာသင်တန်းများရှိပြီး ကျောင်းပြီးသူများမရှိသေးပါကြောင်း၊ အခြား...

အစိုးရနည်းပညာကောလိပ်(တောင်ဒဂုံ)နှင့် Myjob တို့ပူးပေါင်း၍ ကျောင်းသားများအတွက် ပညာရေးဆိုင်ရာဟောပြောပွဲပြုလုပ်ရန်အတွက် ၁၂.၅.၂၀၂၅ ရက်နေ့တွင် အစိုးရနည်းပညာကောလိပ်(တောင်ဒဂုံ)အစည်းအဝေးခန်းမတွင်တွေ့ဆုံဆွေးနွေးခဲ့ကြပါသည်။ဆွေးနွေးပွဲသို့ ကျောင်းအုပ်ကြီး၊ဒုတိယကျောင်းအုပ်ကြီး၊ဌာနမှူးများနှင့် Myjob မှတာဝန်ရှိသူတို့တက်ရောက်ခဲ့ကြပါသည်။

ပဉ္စမအကြိမ်မြောက် TVET Teacher Skills ပြိုင်ပွဲကို ၂၆-၂-၂၀၂၅ ရက်နေ့မှ ၂၈-၂-၂၀၂၅ရက်နေ့ထိ နည်းပညာ၊သက်မွေးပညာနှင့်လေ့ကျင့်ရေးဆရာအတတ်သင်ကောလိပ်(ဘယ်လင်း)တွင် ကျင်းပခဲ့ပါသည်။အဆိုပါ ပြိုင်ပွဲတွင် အစိုးရနည်းပညာကောလိပ်(တောင်ဒဂုံ)၊Mechanical ဌာနမှ ဒေါ်ဇွန်ဖြူ၊ ကထိကသည် Auto cad ပြိုင်ပွဲတွင် ပထမဆုရရှိခဲ့သည် ။ ဒုတိယဝန်ကြီး ဒေါက်တာအောင်ဇေယျမှ ဆုချီးမြှင့်ခဲ့ပါသည်။

အစိုးရနည်းပညာကောလိပ်(တောင်ဒဂုံ)တွင် တက်ရောက်ပညာသင်ကြားလျှက်ရှိသော ကျောင်းသားကျောင်းသူများ အား ယာဉ်စည်းကမ်းလမ်းစည်းကမ်း အသိပညာပေးဟောပြောပွဲအား (၇-၂-၂၀၂၅)ရက်နေ့က အစိုးရနည်းပညာကောလိပ်(တောင်ဒဂုံ)တွင် ကျင်းပခဲ့ပါသည်။ အဆိုပါအခမ်းအနားတွင် ဒဂုံမြို့သစ်တောင်ပိုင်း အမှတ်(၂၉)ယာဉ်ထိန်းရဲတပ်ဖွဲ့မှ ဒုရဲမှူး မင်းမင်းအောင် က ယာဉ်စည်းကမ်းလမ်းစည်းကမ်းနှင့်ပတ်သက်၍ အသိပညာပေးမှုများအား Power Point များဖြင့် ရှင်းလင်းပြောကြားခဲ့ပါသည်။ အခမ်းအနားသို့ ဆရာဆရာများနှင့်ကျောင်းသားကျောင်းသူများတက်ရောက်ခဲ့ကြပါသည်။

အစိုးရနည်းပညာကောလိပ်(တောင်ဒဂုံ) ၂၀၂၄-၂၀၂၅ ပညာသင်နှစ် B.Tech ပထမနှစ်သင်တန်းများအတွက် ဘာသာရပ်မိတ်ဆက်ပွဲအခမ်းအနားအား (၁၂ .၁၂.၂၀၂၄)ရက်နေ့တွင် ကျင်းပခဲ့ပါသည်။အခမ်းအနားတွင် ကျောင်းအုပ်ဆရာကြီးမှ ကြိုဆိုနှုတ်ခွန်းဆက်စကားပြောကြားခဲ့ပြီး သက်ဆိုင်ရာဘာသာရပ်အလိုက် ဌာနမှူးများမှ ဘာသာရပ်အလိုက် သင်ကြားရမည့်သင်ခန်းစာများအား Power Point များနှင့် မိတ်ဆက်ခဲ့ကြပါသည်။

အစိုးရနည်းပညာကောလိပ်(တောင်ဒဂုံ) မှ ဝန်ထမ်းများ၊ဆရာဆရာမများနှင့်ကျောင်းသားကျောင်းသူများစုပေါင်း၍ ဒုတိယအကြိမ်မြောက်ဝါဆိုသင်္ကန်းဆပ်ကပ်လှူဒါန်းပွဲအား ၁၉.၈.၂၀၂၄ရက်နေ့ နံနက် ၁၀နာရီ၃၀ တွင် ကျင်းပပြုလုပ်ခဲ့ပါသည်။ အခမ်းအနားတွင် သံဃာတော်များအား နေ့ဆွမ်းဆပ်ကပ်ပြီး ကျောင်းအုပ်ကြီးနှင့်ဆရာဆရာမများ ကျောင်းသားကျောင်းသူများမှ ဝါဆိုသင်္ကန်းနှင့် လှူဖွယ်ပစ္စည်းများကပ်လှူခဲ့ကြပါသည်။